اسلام آباد – 12 – مارچ (اي پي پي) وزيراعظم محمد شهباز شريف پاڪستان ۽ ترڪيه جي وچ ۾ ٻطرفي واپار جي سالياني 5 ارب ڊالر جي هدف کي حاصل ڪرڻ جي لاءِ گڏجي ڪم ڪرڻ، واپار، دفاع، رابطن ۽ ثقافت سميت گڏي?? دلچسپي جي سمورن شعبن ۾ ٻطرفي تعاون وڌائڻ تي زور ڏنو آهي. وزيراعظم آفيس جي ميڊيا ونگ پاران جاري بيان موجب پاڪستان ۾ ترڪيه جي سفير ڊاڪٽر مهمت پاچاجي وزيراعظم محمد شهباز شريف سان خيرسگالي ملاقات ڪئي. سفير وزيراعظم کي ٻيهر چونڊجڻ تي مبارڪباد ڏني ۽ ترڪيه جي قيادت پاران نيڪ خواهشن جو اظهار ڪيو ۽ ٻنهي ??لڪن جي وچ ۾ ڀائراڻن لاڳاپ?? کي مضبوط بڻائڻ جي اهميت تي زور ڏنو. وزيراعظم ٻيهر چونڊجڻ جي فوري پوءِ ترڪيه جي صدر رجب طيب اردوان پاران مبارڪباد واري ٽيليفون ڪال ۽ مبارڪباد جي پيغام کي ساراهيو. هن ان ڳالهه تي زور ڏنو ته پاڪستان ۽ ترڪيه جي وچ ۾ مثالي ٻطرفا لاڳاپا آهن جيڪي گڏيل تاريخ، مذهب ۽ ثقافت تي ٻڌل آهن. وزيراعظم چيو ته ٻطرفي واپار جي سالياني 5 ارب ڊالر جي هدف کي حاصل ڪرڻ جي لاءِ ٻنهي ??لڪ?? کي گڏجي ڪم ڪرڻ جي ضرورت آهي. هن ٻنهي ڌري?? کي واپار، دفاع، رابطن ۽ ثقافت سميت گڏي?? دلچسپي جي سمورن شعبن ۾ ٻطرفو تعاون وڌائڻ تي زور ڏنو. ان سلسلي ۾ هن ڪان ففٿ جنريشن جي ويڙهاڪ جهاز جي ڪامياب اڏام تي ترڪيه کي مبارڪباد ڏني. وزيراعظم چيو ته پاڪستان ۽ ترڪيه بنيادي مسئلن تي هڪ ٻئي جي مسلسل حمايت ڪئي آهي ۽ مستقبل ۾ پڻ ڪندا رهندا. وزيراعظم محمد شهباز شريف صدر اردوان جي ٻيهر پاڪستان جي دوري جي دعوت جو ورجاءُ ڪيو. هن چيو ته پاڪستاني عوام ان دوري جي منتظر آهي جيڪو ٻنهي ڌري?? کي اعليٰ سطحي اسٽريٽجڪ ڪوآرڊينيشن ڪائونسل جي ستين اجلاس دوران وسيع مشاورت ڪرڻ جو هڪ مفيد موقعو فراهم ڪندو.
