ای سی او ویژن 2025 سانڳے اجتماعی کوششاں، تیز تر اصلاحات، خطے دی تجارتی صلاحیت کوں اقتصادی ترقی اچ وٹاوݨ دی لوڑھ اے، انوارالحق کاکڑ
APP07-091123
TASHKENT: November 09 - The Caretaker Prime Minister Anwaar-ul-Haq Kakar addresses the 16th ECO Summit. APP/ABB/ZID
تاشقند۔9نومبر (اے پی پی):نگران وزیراعظم انوارالحق کاکڑ ای سی او وژن 2025 کیتے پاکستان ??ے عزم دا اعادہ کریندے ہوئے آکھیے جو ای سی او ویژن 2025 سانڳے اجتماعی کوششاں، تیز تر اصلاحات، خطے دی تجارتی صلاحیت کوں اقتصادی ترقی اچ وٹاوݨ دی لوڑھ اے، خطے اچ تجارتی سرگرمیاں دے ودھارے نال ہی ترقی ممکن اے، ای سی او ریجن اچ مزید سرحدی و تجارتی راہداریاں دی لوڑھ اے، آئویے رل تے ایکوں صرف لوظاں نال نئیں اقدامات اتے عملدرآمد دی تنظیم ٻݨائوں، ای سی او رکن ممالک اسلاموفوبیا تے ہکو سواں موقف اپناون، غزہ اچ فوری جنگ بندی تھیوݨی چاہیدی اے۔ ای سی او دے 16 ویں سربراہی اجلاس نال خطاب اچ انہاں آکھیا جو ساݙے کیتے تنظ??م دے اہداف و مقاصد سانڳے اجتماعی اتے تندہی نال کم کرݨ ضروری اے۔ انہاں ای سی او دی موجودہ تجارت و حقیقی صلاحیت، غزہ دی انسانی صورتحال، مقبوضہ جموں و کشمیر اچ بھارتی مظالم، اسلامو فوبیا دے نال نال علاقائی روابط دے ای سی او دے منصوبیاں تے ڳالھ مہاڑ کیتی اتے آکھیا جو قدرتی وسائل، جغرافیائی روابط و ثقافتی ورثے نال رڄیا ہووݨ پاروں ای سی او خطہ اپݨی حقیقی تجارتی صلاحیت توں فائدہ چاوݨ اچ ناکام رہے، ساݙی ای سی او ریجن اچ تجارت ڄڳ نال 577 بلین ڈالر دے مقابلے اچ 39 بلین ڈالر رہی اتے انٹر ریجن ایکسپورٹ وی 46 بلین ڈالر رہین۔ ای سی او وژن 2025 تے عملدرآمد ضروری اے ایندے کیتے سارے رکن ملک رل تے کم کرن، ای سی او ویژن 2025 سانڳے اجتماعی کوششاں، تیز تر اصلاحات، خطے دی تجارتی صلاحیت کوں اقتصادی ترقی اچ وٹاوݨ دی لوڑھ اے۔
