کرپشن مکاوݨ اجتماعی کوشش نال ہی ممکن اے ، چیئرمین نیب لیفٹیننٹ جنرل (ر) نذیر احمد

اسلام آباد۔9دسمبر(اے پی پی):چیئرمین نیب لیفٹیننٹ جنرل (ر) نذیر احمد آکھیے کرپشن مکاوݨ اجتماعی کوشش نال ہی ممکن اے ، نیب ایں ڳالھ کوں یقینی بݨاوݨ سانڳے پرعزم اے جو بدعنوانی اچ ملوث ہر عنصر کوں نتیجے دا سامݨا کرݨا پووے ۔ اے ڳالھ انہاں ہفتے کوں نیب ہیڈ کوارٹرز، اسلام آباد اچ ’’عالمی انس??اد بدعنوانی دے ݙینھ ‘‘ دی مناسبت نال منعقدہ ھک تقریب توں خطاب کریندے ہوئیں آکھی جیں دا موضوع ’’دستاویزی معیشت انس??اد بد عنوانی سانڳے ضروری‘‘ہئی ۔ ممتاز ماہر معاشیات اتے نسٹ انسٹی ٹیوٹ آف پالیسی اسٹڈیز دے ڈائریکٹر جنرل ڈاکٹر اشفاق حسن خان اتے اقوام متحدہ دے دفتر منشیات اتے جرائم (یو این او ڈی سی) دے پاکستان سانڳے نمائندے جرمی میلسم مہمان مقرر دی حیثیت نال شرکت کیتی ۔ چیئرمین نیب لیفٹیننٹ جنرل (ر) نذیر احمد خطاب کریندے ہوئیں آکھیے کوئی واحد ادارہ بدعنوانی دا خاتمہ نی کر سڳدا تے سارے اسٹیک ہولڈرز دی مشترکہ کوششاں نال ہی ایں لعنت کوں مکایا ونڄ سڳدے ، نیب ایں ڳالھ کوں یقینی بݨیسی جو بدعنوانی اچ ملوث ہر عنصر کوں نتیجے دا سامݨا کرݨا پووے ۔