پشاور۔28اپریل(اے پی پی):وفاقی حکومت دی طرفوں وزیر اعظم دے یوتھ ڈویلپمنٹ پروگرام دے تحت پبلک سیکٹر ڈویلپمنٹ پروجیکٹس (پی ایس ڈی پی) سرکاری، نجی اتے ترقیاتی محکمیں اچ خیبرپختونخوا سودھے پاکستان دے نوجواناں کیتے 60 ہزار با معاوضہ انٹرن شپس دا اعلان کیتے۔”پی ایس ڈی پی” پروگرام اچ 20ہزار انٹرن شپ سرکاری شعبے اچ جݙاں جو 40ہزار انٹرن شپ سرکاری، نجی اتے ترقیاتی محکمیں اچ ݙتی ویسی جیں دا دورانیہ 6مہینے توں 1 سال دی مدت کیتے ہوسی ۔ایں دوران اعلیٰ پیشہ ور لوکاں تے ماہرین توں کم کرݨ دا تجربہ ملسی ایں توں انڄ 25 ہزار توں40 ہزار روپے ماہانہ سکالر شپ ملسی ۔ وزیر اعظم دے پیڈ انٹرن شپ پروگرام کوں ضم شدہ قبائلی اضلاع سودھے خیبرپختونخوا دے نوجواناں دی طرفوں زبردست پذیرائی اتے مثبت ردعمل ملیے۔ ایں پروگرام دے تحت لکھاں نویں گریجویٹس اتے ڈپلومہ ہولڈرز کیتے مطلوبہ تجربات حاصل کرݨ دا بہترین موقع قرار ݙتے ۔ وزیراعظم دا یوتھ ڈویلپمنٹ پروگرام ھک جامع منصوبہ ہیجن اچ 15 پروگرام شامل ہن۔ ایں تاریخی پروگرام دے تحت وفاقی حکومت دی طرفوں نینگراں کوں معاشی طور تے با اختیار بݨاوݨ کیتے پرائم منسٹر یوتھ لیپ ٹاپ پروگرام، بااختیار نوجوان انٹرن شپ پروگرام جݙاں جو بلوچستان اتے سابقہ فاٹا دے طلبا کیتے 5ہزار وظائف دا اعلان وی کیتا ڳئے۔ پروگرام اچ نوجوان نسل کوں انتخابی پیشیں اچ مہارت حاصل کرݨ دا ھک بہترین موقع فراہم کریندے ہوئیں نوجواناں کوں مقامی اتے بین الاقوامی سطح تے مقابلہ کرݨ کیتے ساری ضروری مہارتاں توں آراستہ کرݨ اچ مدد مل ویسی ۔ پشاور یونیورسٹی دے پوسٹ گریجویٹ طالب علم احتشام قیصر اے پی پی ںال ڳالھ مہاڑ کریندے ہوئیں ݙسایا جو وزیر اعظم دی بامعاوضہ انٹرن شپ نویں گریجویٹس اتے ڈپلومہ ہولڈرز کیتے ٻاہرلے ملک ملازمتاں توں علاوہ عملی تجربات اتے اپݨے منتخب پیشیں اچ مہارت حاصل کرݨ دا بہترین موقع اے۔
