ڈیجیٹل پاکستان اساݙا وژن اے، انفارمیشن ٹیکنالوجی دے شعبے اچ ترقی نال پاکستان دی مجموعی قومی پیداوارکوں ودھا سڳدوں، ملک اچ آئی ٹی دے گریجویٹس دی تعداد ودھاوݨ دی لوڑھ اے، صدر مملکت ڈاکٹر عارف علوی دا قومی براڈ بینڈ نیٹ ورک فورم نال خطاب

اسلام آباد۔10نومبر (اے پی پی) صدر مملکت ڈاکٹر عارف علوی آکھیا جو ڈیجیٹل پاکستان اساݙا وژن اے، انفارمیشن ٹیکنالوجی دے شعبے اچ ترقی نال پاکستان دی مجموعی قومی پیداوارکوں ودھا سڳدوں، ملک اچ آئی ٹی دے گریجویٹس دی تعداد ودھاوݨ دی لوڑھ اے۔عوام کوں فیک نیوز بارے ݙساوݨا پوسی، دنیا اچ ٹیکنالوجی تکھے ترقی کریندی پئی اے، ترقی دے پندھ اچ اڳوں ودھݨ کیتے چین وانڳوں جلدی فیصلے کرݨے پوسن۔ صدرمملکت بدھ کوں قومی براڈ بینڈ نیٹ ورک فورم نال خطاب کریندے پئے ہن۔ تقریب نال پاکستان ٹیلی کمیونیکیشن اتھارٹی (پی ٹی اے) دے چیئرمین میجرجنرل (ر) عامر عظیم باجوہ، وفاقی سیکرٹری انفارمیشن ٹیکنالوجی ڈاکٹر محمد سہیل راجپوت اتے ٹیلی مواصلاتی کمپنیاں دے سربراہاں اتے نمائندیاں وی خطاب کیتا۔ صدرمملکت فورم دے انعقاد تے پی ٹی اے اتے ہواوے کوں مبارخ ݙتی۔

مضمون کا ماخذ : لاتعداد وشال پانڈا

متعلقہ مضامین